من أول ما شفتا
عملت بقلبي حالة
يقبرني لون عيونا
يا عمري ما أحلاها
الضّحكة ع تما مرسومة
يا ويلي بنت مزيونة
هيدي بنتك يا خالة
تزيد عليي دلالا
جايه علّي منشانك
كون أب أنا لولادك
تحطي همّك ع كتفي
ونكبر احنا سوا
شو ما تريدي يحضرلك
عمام وخوال جايبلك
بدفع الدم والمال
لتكوني بحضني انا
وان ما عطيوني ياكي
جاي أنا بعتادي
بضهري عشيرة صحابي
كرمالك الحي بعادي
بحارب أنا لعيونك
لا تغيبي عني بلومك
لنو غيابك عني
لا والله مو عادي
وعيونها عيونها
كحيلة مزيونة
الحمرا ع شفافها بتغلّ
سمرا صغيروة
حلاها مغطى ع الكل
خصرا ميال وبشل
والزايد كل هالحسن
ضحكة وغمازة
اخدني خطفني ليها
خصرها هالميال
وطني وانا ساكن فيها
بأرضها صرت خيال
خدي القلب الك فدا
قبلك ما زارو ولا حدا
امشي على قلبي ع الهدا
وتمايلي
يلا نمشي بلاد ونزورها
ايدي بايدك ناخد كزدورة
بحارات الشام وشوارعها
تشتي الدني وما تهدي
تغفي ع كتفي وتنامي
دفيكي بقلبي واحضاني
وعيونها عيونها
كحيلة مزيونة
الحمرا ع شفافها بتغلّ
سمرا صغيروة
حلاها مغطى ع الكل
خصرا ميال وبشل
والزايد كل هالحسن
ضحكة وغمازة
