نمرود وضارب عليوي نمكي ونُقَري وبتاع تفاصيل
وبشغل الحاسة السادسة .. وبطلع القطط الفاطسة
وببروز الحاجة الناقصة فَشَر التماثيل
وعن الغرام .. عامل إضراب
لحد ما ألقى حبيب تفصيل
[ads2]
أنا بعسعس وبتطقس وشورة العقل ما تأذيش
أنا بهسهس وموسوس وأبو بطحة يخاف من التهويش
بطلت أسيح على لون مش لوني
وأعمل من العلقم بونبوني
على قلبي ألف رَصَد فرعوني
والجاي عقل مش جَهجَهوني
أنا موحوح ومتضحضح أخدت العلقة واتربيت
ولو هعشق هَحَمرَق وهعيش في دور دلوعة البيت
ولحد ما ألقى الفجر ندَّى بحاجة غير كل اللي عدَّى
