شسوي اكثر
حتى بعينك اني اكبر
حتى بليلي ما اسهر
على مودك خسرت اهواي
وانت دمعة ما تخسر
شسوي اكثر
لخاطر گلبي اليريدك
ليش تگلي ما افيدك
شنو هيج انت رايدني
واتوسل وابوس ايدك
من اشتاگ ما الگاك
من تشتاگ تلگاني
لاتوصلنا حالة بيوم
واحد يكره الثاني
أنا السويتلك كلشي
بس ويّاك جنت امشي
وانت العايف دموعي
وابد ما فارگت رمشي
ترى استاهل
جنت ويّاك متنازل
وراضي بجرحك وقابل
منك ابجي بس ارجع
لحضنك ركضة الجاهل
ترى استاهل
لأن مجنون ومو عاقل
كآبة بعشرتك واصل
بس لهنانة واسمع زين
خبر هجرك خبر عاجل
راح الشوگ راح الحب
اني وياك ما نرهم
يمّك ضيّعت عمري
وعلى كل يوم متندم
أنا السويتلك كلشي
بس ويّاك جنت امشي
وانت العايف دموعي
وابد ما فارگت رمشي
