أنا شبه الناس اللي أنا منهم
ما بحسش بالوحدة ما بينهم
هما اللي غيابي يخوفهم
هما اللي وجودي يطمنهم
أنا شبه الناس
بخسر واكسب بضحك وازعل
برتاح واتعب وبثور واغضب
واسكت واهدى
بقوى وبضعف واغلِب واغلَب
بختي قليل بس ما بطلتش أتخيل
واحلم بشوية نور لما الدنيا تليل
واقلب طفل وبقلب عيل وقت الفرحة
مين ده اللي يجيله قلب
ويسرق فرحة عيل
أنا شبه الناس زي بيوتهم
دايمًا تتحامى في شوارعهم
ومافيش حد بيسمع صوتهم
لو كان وجع الدنيا وجعهم
أنا شبه الناس والناس مني
هما وانا حالنا من بعضه
كانوا طول الوقت مقاسمني
في امبارح وفي بكرة وبعده
بختي قليل بس ما بطلتش أتخيل
واحلم بشوية نور لما الدنيا تليل
واقلب طفل وبقلب عيل وقت الفرحة
مين ده اللي يجيله قلب
ويسرق فرحة عيل
