حسوا جميع اهل الخبر
بالشوق اللي زاد بي
والناس في جدة دروا
وانته ولا حسيت بي
اش عاد اسوي يا ترى
ليه التغلي وش تبي
ما فالح الا بالزعل
وفي الغلا اكبر غبي
شاللي بتخسر لو سألت
مرة على اللي يموت فيك
ماهي جريمة لو تجي
وتطمن عيوني عليك
من حقي وقت احتاج لك
القاك عندي واحتويك
اللي يبوني نسيتهم
ونسيتني ياللي ابيك
كنت اعتبر حبك عوض
عوض على العمر اللي مر
بس اختلف طبعك علي
وبعتني بارخص عذر
يا كيف احلى الذكريات
رميتها بلمح البصر
يا كيف بس هانت عليك
ايامنا يااغلى البشر
[ads1]
تشوف قلبي ينذبح
ومسوي نفسك ما تشوف
اخذت مني تضحيات
ورضيت لي طعن السيوف
شف لك مبرر للغياب
وخليك من عذر الظروف
يا نلتقي يا نفترق
حط النقاط على الحروف
