صوت ضحكتي
بقى صوت حزين متشتتة
حبة مشاعر عايشة ليك وأنا ميته
بالعين تشوف جوايا خوف
ساكن في قلبي سكون مطر
جوه الشتا
عمرك لقيت إنسانة ساذجة كل ده
من كتر ما انجرحت بقيت متعودة
من برة زينة والروح حزينة
ماشية لهلاكها برجلها متعمدة
أنا في عينيك سمك زينة
وفستان شيك في فاترينا
سفينة في بحر قلبك
تايهة وسط الموج
ولا بتغرق ولا بتوصل على المينا
مجروحة والظاهر جروحي مطولة
خسرانة من كل اتجاه ومكملة
أنا ماشية ليه في السكة دي
مش عارفة أنا بأمارة إيه مستحملة
ده أنا قبل منك
كان فاضلي جناج وأطير
وأديني جنبك طير بجد لكن أسير
بقى ده جزائي
على قلب باقي
شيالك في عيني
تشيلني ع الرف الأخير
أنا في عينيك سمك زينة
وفستان شيك في فاترينا
سفينة في بحر قلبك
تايهة وسط الموج
ولا بتغرق ولا بتوصل على المينا
