بكلام أكيد وبالمفيد المختصر
لو أي حد مكاني كان قلبه إتكسر
ومكانش يقدر ع الوجع لو حتى يوم
لكن في حالتي مفيش بشر هيدمروني
علشان كرامتي وكبريائي هيسندوني
وقلبي قادره أدوس عليه وانسى الهموم
أنا ست بس ب ١٠٠٠ راجل مش كلام
أنا ست مبتطلبش حب اه ولا اهتمام
وطول حياتي سانده نفسي في كل حاجه
ولوحدي قادره أرتاح وأكون عايشه في سلام
حكايات كتير مبقتش تنفع تتحكي
ومهما كنت ضعيفه عمري ما بشتكي
مبحبش اصعب حتى ع اللي قريبين
متعوده اني اعيش كدا محتاجش غيري
ومهما عاندتني الحياه راضية بمصيري
مبقتش بتعب مهما اكون حاسه بحنين
أنا ست بس ب ١٠٠٠ راجل مش كلام
أنا ست مبتطلبش حب اه ولا اهتمام
وطول حياتي سانده نفسي في كل حاجه
ولوحدي قادره أرتاح وأكون عايشه في سلام
