مليش غيرك سايبني لمين
مكنش زعل يا خويا يومين
مكنتش عمري أتصور
تغيب عني ليوم الدين
ياخويا ياحته من روحي
روحك سحبت كمان روحي
وحقك عمري ما هسيبه
ولو كان التمن روحي
سلام ولحد ماهجيلك
وأقف وياك وأحكيلك
ده عدّى كتير قوي عليا
يا خويا أنا نفسي أشكيلك
ده كل دقيقه بيا تفوت
بعيش بتمنى فيها الموت
عشان أقابلك وأكون وياك
عايش بعدك سكوت في سكوت
ده طعم الدنيا بعدك مُر
وحتى الوقت مش بيمر
ياريت لو ثانيه نتلاقى
ويرجع بينا تاني العمر
عايش بعدك على سيرتك
هقول وأحكي على طيبتك
هتفضل جنبي طول عمري
وأسمي إبني على إسمك
سلام ولحد ماهجيلك
وأقف وياك وأحكيلك
ده عدّى كتير قوي عليا
يا خويا أنا نفسي أشكيلك
ده كل دقيقه بيا تفوت
بعيش بتمنى فيها الموت
عشان أقابلك وأكون وياك
عايش بعدك سكوت في سكوت
