بعيش فترة في حياتي كنت أنا نسيتها
بإحساس بنت فرحانة بأنوثتها
تبان واثقة وجواها طايشة ومراهقة
في تفكيرها ومشاعرها اللي حسِّتها
مع حبيبي لقيتني رجعت من تاني
بغيّر شكل تسريحتي وفستاني
بجدِّد حتى لون شعري وبارفاني
وبتمرّد على الوحدة وحبسِتها
أنا اللي وجوده طمِّنها وغيَّرها
فحبِّت نفسها أكتر عشان حابّاه
كإنها نجمة مطفية ونوّرها
ثقتها بنفسها رجعت وهي معاه
أنا اللي مكانها مش ممكن هيتاخد
ولو حتى اختفيت ولا بعدت يومين
ما انا اللي مكانها كان دايمًا رقم واحد
ومن بعدي ما فيش وما جاتش رقم إتنين
في أيام حلوة وأنا جنبه بعوّضها
في لهفة زيادة باينة عليا أعراضها
من الفرحة اللي عايشاها وشايفاها
وأنا مقابلاه عينيا بخاف أغمّضها
مع حبيبي لقيتني رجعت من تاني
بغيّر شكل تسريحتي وفستاني
بجدِّد حتى لون شعري وبارفاني
وبتمرّد على الوحدة وحبسِتها
أنا اللي وجوده طمِّنها وغيَّرها
فحبِّت نفسها أكتر عشان حابّاه
كإنها نجمة مطفية ونوّرها
ثقتها بنفسها رجعت وهي معاه
أنا اللي مكانها مش ممكن هيتاخد
ولو حتى اختفيت ولا بعدت يومين
ما انا اللي مكانها كان دايمًا رقم واحد
ومن بعدي ما فيش وما جاتش رقم إتنين
