رح يا قاسي وتلقى بالبشر لك حب ثاني
جرب احساسك بغيري عله يداري شعورك
رح وانسى ذكرياتي والهوى صادق حناني
لا تهمك دمعتيني المهم ترضي غرورك
الهوى أكبر من انك تطعنه غدرٍ ياجاني
الهوى واضح أموره عكس ما تسيّر أمورك
انت جارح انت قاسي انت مغرور وأناني
ابتعد عني رجيتك انتهى بالحب دورك
تو ذا اللحظه كشفتك عقب ما عشتك زماني
وحسايف وقت ضايع كان يشغلني حضورك
لازم أبعد لازم أنسى انتهت لحظة هواني
جازم أشطب ذكرياتك جازم أحطم سرورك
انتهت لعبة غرامك ماتت أحلام وأماني
وانولد عزٍ زرعته فاق هجرك ويّا جورك
