الدنيا دوامه .. وناس كتير ياما
بيلفوا لف ف الدواير .. اللي غرقان واللي طاير
كله عكس الاتجاه
اللي زهقان من حياته .. واللي زعلان ع اللي فاته
واللي مخنوق من سكاته
بيطلع عقده ع اللي فاكر .. إنه مش هيبقي قادر
إنه حتى يقوله اه.
أوعى تظلم حد يوماً
الحياة مش ماشية دوماً
واللي كان غرقان ف بحره
بكره راح يرجعها عوماً
الدنيا مش سهلة .. مش عايزة ناس جهلة
علشان تقدر فيها تدوس .. لازم تفهم في النفوس
والوقت مصيره يعلمك..
خليك قوي مش مستبد .. وأوعي تتعشم بجد
عشان لو يوم أحتجت حد
وجيه ساعتها ووقعك .. ملقتش واحد يسمعك
الصدمة مش هتقوّمك.
