[ads1]
دلوني يهل الرحم
صارت علي معضلة
وين الكه صاحب وفي
والسعر مو مشكلة
دورت ما حصلت
بالدنيا وبكل كتر
معقولة ماكو ابد
والناس هاي شكثر
مليت من هالبشر
ما شفت واحد كفو
يحچون عن الوفة
بس همة كلهم لفو
لتشيلة فوك الظهر
وظهرك عليه ينكسر
هوه اليكصك ترة
ومن عندة تشبع غدر
[ads1]
صحباني ما تنحسب
واهواي عندي ربع
بالشدة من التفت
ما الكة منهم ربع
ما بيهم احد وفه
ولا غزر اويا ملح
ياكل اوياك العشة
وايبيعك امن الصبح
ما ضل بعد مستحة
والغيرة صارت صفر
وي عالم المصلحة
شيخلصة هذا العمر
خوان هذا الوكت
ما بين سطر وسطر
وياك يمشي الدرب
يعوفك اول شبر
