لأني عزيز وعزة نفسي راس مالي
كرامتي لفوق دي هي وبس بقيالي
محبش أبان في صورة وتبقى مهزوزة
معاشر ناس هدفها ترخص الغالي
خلوني أخرج عن شعورى وخُلقي ضاق
عالم مزيف كله مليان بالنفاق
أنا كنت عايش فيها كافي خيري شري
دول حولوني وخلو قلبي كبر وفاق
استضعفوني عشان بطولي في وسطهم
أنا كنت فاكر نفسي واحد منهم
هما اللي نكشوا ومتقوش شر الحليم
خلوني أغيب وصبحت ديب من غدرهم
جوا النفوس هتلاقي سوس ومعدش طيبه
غاب الضمير عن ناس كتير اشكال مريضة
اعمل حسابك وانتبه وفوق لحالك
خليك حويط وسط البشر ياتموت فريسة
متقولش صاحبي عشان خلاص عصرو انتهى
الضيقه كشفت ناس كتير على أصلها
بطّل غشم وبلاش عشم مستني ايه
مستني ايه من ناس بتاكل بعضها
اجمد وأوعي تخلي حد يكسر عنيك
واياك تطاطي في يوم لواطي يذل فيك
هتعيش جبان وسط الحيتان هينهشوك
من غير كرامتك اي حد يدوس عليك
من الدنيا خدت دروس كتير وذاكرتها
وحاولت أعيش طيب فقلبت وشها
وعرفت إن الطيبين راحوا من زمان
والاحترام والجدعنة مش وقتها
جوا النفوس هتلاقي سوس ومعدش طيبه
غاب الضمير عن ناس كتير اشكال مريضة
اعمل حسابك وانتبه وفوق لحالك
خليك حويط وسط البشر ياتموت فريسة
متقولش صاحبي عشان خلاص عصرو انتهى
الضيقه كشفت ناس كتير على أصلها
بطّل غشم وبلاش عشم مستني ايه
مستني ايه من ناس بتاكل بعضها
