قولي بس ايه الافاده
ولما تسقيني جرح ساده
اهتمامي بيكي كان مقويكي
قلبي كان معمول سجاده
اللي حب بضمير
اللي حب بضمير
واللي حاول كتير
يبقى جنبك وانتي اللي سبتي
وخنتي ما عدتش بغير
موضوع اني أرجع سليم
وانسى تفكيري في القديم
واني أعيش سني وان ناس مني
عيشوني في بحر جحيم
رافض الموضوع بشده
مع ان حياتي واحده
بس مش هنسى اي ناس ناقصه
هي ردت فعلا انا جاحدة
انسى مين ولا مين
انسى قلبي الحزين
انسى وجعي وجرحي
وهمي وحزني ودمع العين
ولا انسى الدموع
والوجع من الضلوع
عمري ما انسى وهقسى
ولو في موانسه
برضو انسوا الخضوع
الحياه مالهاش قانون
متاهة من غير كاف ونون
واللي ليه ضهر يبقى على الحجر
والجدع ع الدنيا يهون
واللي نام غالب ضميره
مش حاسس خالص بغيره
مش بيتأنب اللي كان مذنب
عمره ما اتشغل تفكيره
صاحب المرايا مات
لما شاف التغييرات
شكله عجّز وشاب
أيوا جاله اكتئاب
جاتله نوبة احباط
شكله حكي اللي فيه
الضغوط زادت عليه
والشيطان في جلده دافي
مدمن لا مش متعافي
واللي فيه مكفيه
قولي بس ايه الافاده
ولما تسقيني جرح ساده
اهتمامي بيكي كان مقويكي
قلبي كان معمول سجاده
عارفه ان انا عمري ما امشي
بقيت بنام دمعي في رمشي
انتي اذيتيني لما لقيتيني
بسكت أنا ما بتكلمش
بس فاق اللي كان
كان بيشحت حنان
نفسه حتى يشوف
اي غيره وخوف
أو يحس الامان
اللي حب بضمير
اللي حب بضمير
واللي حاول كتير
يبقى جنبك وانتي اللي سبتي
وخنتي ما عدتش بغير
القلوب صابها السهوم
والعيون ما شافتش نوم
اعصابي سابت الدموع زادت
وانا ببكي بصوت مكتوم
نص عايش نص مات
واللي عاش بمسكنات
اوضتي وسريري
لا ما فيش غيري
والوجع ومعاه الضغوطات
آه بعاني آه بموت
بس مش طالعي صوت
عمري ماشكي يوم لحد
بس انا تعبان بجد
قلبي جاله هبوط
انا تعبان من اللي فيا
ما اللي حاصل مش شويه
الاوجاع والعذاب والجراح والاكتئاب
كلهم جايين عليا
