تخيّلني
وإذا مرّيت بالخاطر تبسّم لي
مَ هو لجلي لجل عمرٍ قضيته لجلك وْ بعته
لاتتأمَّل تعود اوقاتنا الحلوة وترجع لي
ولكن في خيالك عيش أحلى وقت ضيَّعته
أنا لي قلب وعزة نفس ماتخضع سوى للّي
خلقها وعزّها بـ شموخ تسمع عنّه ماشفته
أنا اللّي مارفعت الراس واللي تلمحه ظلّي
لأني فوق واذا ودّي أشوف الناس نزّلته
كثير اللي خطر ف البال عن ليلٍ هدم كلّي
وعن شوقٍ سكن فيني ولا في يوم انا لمته
تعبت أنتظرك ولكن مضى وقتي وأنا مَبلي
صحيت مْن الضياع وكل مافي خاطري شلته
