ايه يا زماني
أنا لإمتى أنا هفضل أعاني
أعضائي بقت وجعاني
تعبت أنا منك
أنا شوفت كتير
بس ملقيتش التقدير
صاحبي بعد الكدب يطير
ياخي عيب على رجولتك
أدي اللي راح لا مكنش نصيبي
والجاي أحلى وهترس جيبي
قول اللي غاب يرجع ده حبيبي
واحشني أوي والله يا رجولة
بس اللي فاكر بعد الشقى
هيجي يعيش معانا في شبرقة
أحب أقولك في مشنقة
منصوبة للناس الهلوله
بضحك يمكن
بس محتاج أنا لمسكن
يابويا أيوة الجرح اتمكن
مني وبودع
ضحكتي كدبة
مداري بيها أنا مليون صدمة
اتضربت بسكينة تلمة
في ضهري دي بتوجع
ياللي اتذائبتوا عشان تأذوني
عسكرتوا للنسر حبستوني
طب لما أطلع قابلوا جنوني
هعرف كلها تمامها
هطلع هزعلكوا وارازيكوا
هسحب وشوشكوا هخرط فيكوا
بضربة واحدة لازم اصفيكوا
الحبسة أنا فاكرها
طب وأنا عمري نسيت
ده أنا ما صدقت لقيت
احلف بإيه ان أنا حبيتك
يا أم العيون عسلي
طب اقولك إيه
قلبي إنتي خلاص خدتيه
قاعدة إنتي مربعة فيه
يا ماتور جامد اصلي
شقيان وطالع عيني مش وارث
منحوس وكل حياتي في كوارث
ماشيها دوغري وربك حارس
بدعوتك ياما
بص اللي عيونهم قتلتني
طب وقت حزني زميلي فوتني
طب ليه يا صاحبي بغيبتي اذيتني
ياللي متتسماش
عيبتم فيا
جيتوا ليه تعيشوها عليا
ده انتوا كرف مفيش رجولية
صحوبتكوا كانت غلطة
جبت في سيرتي
وقاعد تشتم ياما في غيبتي
في وشي قولت بحبك يابني
كلام كله اونطة
مبقيتش باقي ياعم عليكوا
كاشحكوا عارف يابني ماضيكوا
هكرفكوا من حساباتي والغيكوا
اصل أنا مش بتنفسكوا
انتوا في عيوني يالا اندال
عيال هفأ نصكوا شمال
أنا ابن ناس وباكلها حلال
وكتمت انفاسكوا
أنا مش مبسوط
من همومي بقيت مكبوت
يابا أنا تعبان وبموت
وعايزلي أنا مسكن
وآه يا دموع
بصرخ أنا ومش مسموع
صاحبي خان ومفيش موضوع
وجاني يتمسكن
مش الفلوس هي اللي تجيبنا
يا زمالة إحنا شقينا وتعبنا
صارفين عليكوا يالا من جيبنا
مش زيكم عايشينها رميه
لو على الفلوس أنا ياما ضيعت
رشيت هنا عليكوا وصرفت
مش زيك انت يا عم كرفت
وطلعت هفية، واطلعت هفيه
