امبارح جيه في بالي حبايب
كانو هما الدنيا وراحوا بعيد
مش عارف عنهم أي جديد
وسابوني لوحدي بكام ذكرى
وجواب كاتبينه بخط الايد
امبارح جيه في بالي حبايب
مش فاضل منهم غير صورة
وهدية قديمة ومكسورة
وسألت في نفسي إزاي مشيو
وكأني بحل في فزورة
امبارح جيه في بالي حبايب
خذوا من قلبي وعمري سنين
موِّتو قلبي لكن عايشين
ناس يمكن دلوقتي تشوفني
يمشوا يعملوا مش شايفين
امبارح جيه في بالي حبايب
متخيلتش يوم ينسوني
ياما غطّاهم رمش عيوني
كنت بخاف من النسمة عليهم
في الآخر راحو وفارقوني
امبارح جيه في بالي حبايب
ودّعوا قلبي وقالو نصيب
فجأه بقيت أنا حد غريب
ناس حلفت بغلاوتي زمان
مهما هيحصل مش هتغيب
امبارح جيه في بالي حبايب
مشيو وراحو مع الأيام
كل وعودهم ليا كلام
قلبي اللي استحمل علشانهم
فارقوه من غير حتى سلام
امبارح جيه في بالي حبايب
خذوا من قلبي وعمري سنين
موِّتو قلبي لكن عايشين
ناس يمكن دلوقتي تشوفني
يمشوا يعملوا مش شايفين
امبارح جيه في بالي حبايب
متخيلتش يوم ينسوني
ياما غطّاهم رمش عيوني
كنت بخاف من النسمة عليهم
في الآخر راحو وفارقوني
