الشهره اللي عيون الناس لدتها
يمي مكانت سبايب رفع منزلتي
ان صدت الله يهنيها بصدتها
تغطرسي يا القصايد في مخيلتي
في الغربه البي يروع طول مدتها
يا لذة الكبرياء الهاشمي طلتي
رغم ظروف الزمان وقوه حدتها
ماكن لي قلب مدري ويش مشكلتي
قالت عيوني لدمعة حزن شدتها
ترقري فوق خدي قلت وش قلتي
امانة الدمعه اليا بانت ادتها
واحب اعقب على مابه تفضلتي
غض النظر عن نواياها واجندتها
قولي يا دمعه مدامش مابعد سلتي
لابدها تعلن من الحزن رِدتها
تكفر به وتؤمن بفكري وامثلتي
ولا تكبر على جفني مخدتها
لو قال خدي عسى ماشر طولتي
كم دمعةٍ قد بغت تنزل وردتها
شماتت القوم وعزومي وقبيلتي
يا دمعة الحزن لش صادق مودتها
مراجل اللي هقو فيني ومرجلتي
مع إنها مرحلة نفسي تعدتها
فديت كبدش علشانش ما حولتي
