ومين حب وما عاشي جراح
ومين في الدنيا متعلمش
ساعات الوحدة تبقى براح
في وقت اللمة فيه ما تفدش
يا عرق الهم جدرك فين
وجاي منين أنا معرفشي
أخاف أحكي وأقول وجعي
لناس بتخون ومبترحمش
يا ذاتي يا نفسي يا كياني
بعاتب فيكوا من غلبي
دموعي مصاحبة أحزاني
ووحدي بيتوجع قلبي
بآمن ناس وفي ثواني
ألاقي الغل متعبي
في بحر الغدر زفاني
ونفسي يقولوا إيه ذنبي
بناكل بعض لينا سنين
في دايرة علينا مقفولة
مسيرها العين هتيجي في العين
ونتحاسب على رجولة
ونعرف مين كانوا بوشين
ومين في صحبتنا معدولة
في دنيتنا صحيح عايشين
لكن أوجاعنا مدفونة
طمع في نفوس بشر أنواع
لسانهم سم بينقط
في سوق الحظ حظي اتباع
ودوسي يا دنيا مش هسقط
أعاتب مين وأنا البيّاع
بايع جدعنتي مش أكثر
في ناس في الشدة قالوا وداع
مشوفتش حد يتقدر
بناكل بعض لينا سنين
في دايرة علينا مقفولة
مسيرها العين هتيجي في العين
ونتحاسب على رجولة
ونعرف مين كانوا بوشين
ومين في صحبتنا معدولة
في دنيتنا صحيح عايشين
لكن أوجاعنا مدفونة
