هبعد أكتر وقت، أقدر أبعد فيه
وأما الشوق يغلبني، هفضل أحايل فيه
قلبي استحمل ياما، فيه اللي مكفيه
وازاي بس يحبك، قلبي اللي بتإذيه
مش هتحمل ضغط على اعصابي كمان
مش هنعيده من تاني، أنا مش زي زمان
اعمل ايه بالحب، لو مش حاسه أمان
وازاي لسه بحبك، مش حب ده إدمان
زي الأوضة الضالمة روحي فيها اتحبست
زي التهمة الظالمة اللي عليا اتثبتت
كل بيبان الدنيا، فجأة في وشي اتقفلت
جيت أشكيلك منك وإزاي منك هفلت
أنا محتاجه لوقت، أقعد فيه مع نفسي
سيبني يا ريت دلوقت، سيبني لهمي ويأسي
هتهديني ازاي، ايه هتقوله ينسي
ده أنا عشان لسه بحبك، قرَّبت أكره نفسي
انتَ الأوضة الضالمة روحي فيك اتحبست
زي التهمة الظالمة اللي عليا اتثبتت
كل بيبان الدنيا، فجأة في وشي اتقفلت
جيت أشكيلك منك وإزاي منك هفلت
