اكدب عليك لو قلت بحبك لسه أكدب عليك
واكدب عليك لو قلت نسيتك همسه أكدب عليك
أمال أنا إيه قولي انت انا إيه اختارلي بر وانا ارسي عليه
انت حبيبي يعني لسه حبيبي
ولا حبيبي عشان كنت حبيبي
قول يا حبيبي قول يا حبيبي
عارف كان أجمل شيء في حياتي إيه يا حياتي
كان أجمل شيء إن إنت كل حياتي
توعدني واطير قبل المواعيد للفرحة أعيد قبل العيد
والقاك يا حبيبي سابقني
هناك والحب في إيد والدنيا في إيد
والشمع يشوفني معاك يا حبيبي
من غير ما نقيده لوحده يقيد
كان شيء جوانا علينا جديد
دلوقت خلاص ما أصبحش جديد
حبيبي صحيح بنتواعد ونتقابل ونتكلم لقى بطوله
كلام يمكن مالوش معنى ما هوش من القلب
لكن برضه بنقوله
ونرجع تاني نتقابل ونتكلم ولا عارفين بنفرح أو بنتألم
وفوق خد الليالي دموع بتسأل إيه جرى لينا
شموعنا ما عادتش شموع ونيجي فأيدها تطفينا
وده كله ومالناش إلا بعضينا
دي جنة بنار بتجمعنا ليالينا
عيني عيني يا عين قول لحبيبي يا عين
لهفتنا راحت فين جنتنا راحت فين
كل الحجات الحلوة نجيبها تاني منين
حتى السلام بالإيد بقى شيء علينا جديد
غير اللي كان في داخل القلب قبل الإيد
الحب بريء واحنا ظلمناه
دوبنا شبابه قبل صباه
يدينا الحب نصيب سنتين
نشربه في دقيقه مش في اتنين
وانقال يرتاح مثلنا ساعتين
نحلف يمينين ولا غمضة عين
شوف كنا بإيه وصبحنا بإيه
واختارلي بر وانا أرسي عليه
انت حبيبي يعني لسه حبيبي
ولا حبيبي عشان كنت حبيبي
قول يا حبيبي قول يا حبيبي
