أي حاجة في يوم هشوفها بعيدة عني
عمري ما ازعل مهما كنت محتاجالها
والحياة لو عايزة تاخد حاجة مني
مهما تاخد برضه هفضل مديونالها
أصل حظ الدنيا كله
في الحياة خدته وزيادة
واللي غايب عمري كله
جالي على هيئة سعادة
والسعادة عبارة عنك لما جيت
خدت كل الحب منك واتراضيت
قبل منك كنت بسأل امتى هفرح
كله جنبي بس عايشة في دنيا فاضية
وأما جيتلي بقالي جوّة الجنة مطرح
من ساعتها حياتي أهدى ونفسي راضية
أصل حظ الدنيا كله
في الحياة خدته وزيادة
واللي غايب عمري كله
جالي على هيئة سعادة
والسعادة عبارة عنك لما جيت
خدت كل الحب منك واتراضيت
