أهلا وسهلا بالحبيب الأوّلاني
اللّي فشل في حياته بعدي وجاني تاني
وعشان لاقاني لسّا من يومها في مكاني
فكّر هنرجع تاني بالسّهل وخلاص
أهلا وسهلا بيك منوّر إيه اللّي جابك
قبل ماتنطق أيّ كلمة اعمل حسابك
في حاجات كتير اتغيّرت فيّا في غيابك
أوّلها حبّي ليك لاغيته من الأساس
مستنّي تيجي في حضني أقولك يالّا بينا
ضحّكتني اللّه يجزيك يابن اللّذينة
لمّا مشيت ضيّعت آخر فرصة لينا
بتحكي ليه في حاجات خلاص منها انتهينا
تترجّى حقّي كلّه لمّا شافت عينيّا
لحظة رجوعك ليّا من ندمك عليّا
الدّور عليك دلوقتي تتعلّق شويّة
دوّارة واللّه الدّنيا دي ملهاش كبير
أهلا وسهلا بي اللّي راجع بعد غيبة
بيقولي أسامحه على اللّي فات وحاجات غريبة
كان نفسي أسيبك وأمشي بس في حقّي عيبة
مش معنا دا إنّ أنت تتكلّم كثير
اغنية أهلا وسهلا – محمد نور
