الكل عاش من غيري
الكل سابني ومشي
حتى اللي كان من خيري
لا يخجل ولا يختشي .!!
الغريب لقيته حن
والقريب شيطان وجن
حاجة تهبل أو تجن
والمشاعر من قزاز .!!
ملعون أبو الناس العزاز
اللي لما احتجنا ليهم طلعوا أنذال بأمتياز .!!
أغلى غالي ما تشوفهوش
إلا لو محتاج إليك
يرجع بيبعك بالقروش
للعدو قصاد عينيك .!!
من خيانته فين تروح قلبك أنت نزيف وروح
قلبه ده مجرد جهاز ملعون أبو الناس العزاز .!!
ملعون أبو الناس العزاز
اللي لما احتجنا ليهم طلعوا أنذال بأمتياز .!!
الزمن ده كله عايب
مش حقيقي ولا أصيل
كل شيء مباح وسايب
حتى حمدالله قليل
زيف وكذب وشوق رخيص
والعزيز ماهوش عزيز
والنفوس بدولار وجاز ملعون أو الناس العزاز .!!
ملعون أبو الناس العزاز
اللي لما احتجنا ليهم طلعوا أنذال بأمتياز .!!
