كلمات البوم معدي الناس – عمرو دياب 2017
———— كلمات اغنية اول كل حاجة ————
أنت أول كل حاجة، والبداية ف كل شئ
حب أول مرة يجي لما قلبي كان برئ
انت أول كل حاجة وانت عارف كنت ايه
وانت أول حد يمشي ودمعتي تنزل عليه
كنت أول كل حاجة بتجرى ليّا
كنت أول روح بتلمس حاجة فيّا
كنت أول حب يجي ونفسي يفضل
كنت أول فرحة بتمناها تكمل
كنت أول حد برسم صورة ليه
كنت أكتر حد بعرف قيمتي ليه
كنت بالنسبالي نفسي وكنت بكره
كنت عمري بس ليك انا كنت فترة
اللي يعرف م البداية النهاية هتبقى فين
مش هيغلط ف اختياره، بس نعرف ده منين
كنت آخر مرّة آمن، والمآمن بس مين
مفتكرش هحب تاني، صعب أغلط مرّتين
كلمات : أحمد المالكيمن
ألحان : عمرو دياب
توزيع موسيقي : أسامة الهندي
———— كلمات اغنية معدي الناس ————
معدّي الناس بإحساسك، وبالرقة اللي جوّة عينيك
وعيني عليك يا روحي قلبي مغمضهاش
قدرت خلاص تغيّرني، وأحلى ما فيّا بان في هواك
حياتي معاك لآخر يوم لازم تتعاش
وصوتك لما تتكلم فيه حنيّة
بتاخد روحي من روحي لدُنيا بعيد
بحسّ براحة واطمّن وبِعنيّا
بشوف الحاجة وأنا جنبك جمالها يزيد
معدّي الناس بإحساسك، وبالرقة اللي جوّة عينيك
وعيني عليك يا روحي قلبي مغمضهاش
قدرت خلاص تغيّرني، وأحلى ما فيّا بان في هواك
حياتي معاك لآخر يوم لازم تتعاش
حبيبي انت اللي بالدنيا، ومالي عينيا فين ما بكون
وأحلى من كده قلبي ميتمناش
دخلت حياتي حلّيتها، ملوّنها بأجمل لون
وكل ايامي من قبلك مبحسبهاش
وصوتك لما تتكلم فيه حنيّة
بتاخد روحي من روحي لدُنيا بعيد
بحسّ براحة واطمّن وبِعنيّا
بشوف الحاجة وأنا جنبك جمالها يزيد
كلمات : أسامة مصطفى
ألحان : سامر أبو طالب
توزيع موسيقي : أسامة الهندي
———— كلمات اغنية نغمة الحرمان ————
ماسكلي ف نغمة الحرمان
وعمّال تشكي وتهوّل
لا فرق اللي انت شوفته زمان
ولا الحلو اللي ف الأول
وجعتك؟ دا انت توجع بلد
في ايه، هو انت اشترتني!
هسيبك واخسرك للأبد
دا كان ناقص تموّتني
خلصنا مع السلامة، فراقنا هيطوّل
كلام ع الحب والاخلاص
سمعته كتير ومتعوّد
مالوش معنى الكلام ده خلاص
لا هينقّص ولا يزوّد
وجعتك؟ دا انت توجع بلد
في ايه، هو انت اشترتني!
هسيبك واخسرك للأبد
دا كان ناقص تموّتني
خلصنا مع السلامة، فراقنا هيطوّل
كلمات: أيمن بهجت قمر
ألحان: محمد يحيى
توزيع موسيقي: أسامة الهندي
———— كلمات اغنية يا اجمل عيون ————
يا اجمل عيون واحلى عيون
صحيتي ليل العاشقين
صحيتي الشوق من غير معاد
وسافرتي ليه آخر البلاد؟
والله لحبك موت، واحب برج الحوت
واعشق تفاصيلك، ضحك بكا وسكوت
لإنك الدنيا، واللي يفوت يفوت
ياللي انتي عيونك بحر ليل ونهار
فيها سحر، فيها قلبي داب واحتار
يا صوت نبرته حياه
حبيته وعشقت صداه
والله لحبك موت، واحب برج الحوت
واعشق تفاصيلك، ضحك بكا وسكوت
لإنك الدنيا، واللي يفوت يفوت
انا ليكي ياللي انتي صوتك عذب وملائكي
همسات صوتك، ضحكتك، تروا عطش روحي
نظرة عيونك ملهمة وانتي دوا جروحي
والله بحبك موت، واحب برج الحوت
واعشق تفاصيلك، ضحك بكا وسكوت
لإنك الدنيا، واللي يفوت يفوت
كلمات: تركي آل الشيخ
ألحان: عمرو مصطفي
توزيع موسيقي: أسامة الهندي
———— كلمات اغنية قلبي اتمناه ————
وانت ويايا ياما قولت انشالله
ياحبيبي انشالله، تبقى ليّا انشالله
قلبي اتمناه، من بين الدنيا بحالها نداله وجاله
الله الله، أهو ده اللي مفيش اتنين في جماله
مين يبقى معاه كل ده ويفكر أو يشغل باله
بناس وحياه، لا لا لا لا لا
وانت ويايا ياما قولت انشالله
ياحبيبي انشالله، تبقى ليّا انشالله
عمري ما هنساه وده وعد عليا وكلمة هأكدهاله
ومن اليوم دا لو فاتوا سنين عمري هعيدهاله
مين يبقى معاه كل ده ويفكر أو يشغل باله
بناس وحياه، لا لا لا لا لا
وانت ويايا ياما قولت انشالله
ياحبيبي انشالله، تبقى ليّا انشالله
كلمات: تامر حسين
ألحان: عمرو مصطفي
توزيع موسيقي: أسامة الهندي
———— كلمات اغنية احلى حاجة ————
يا احلى حاجة ف عمري، انا نفسي احكيلك
عن احساسي، عن أشواقي، عن حبي و اعبّر
عن الحب اللي جوايا، ودنيا جديدة وحكاية
مجرد اني صادفتك، ومن ساعة مانا شوفتك
دا من ساعة مانا عرفتك
سنة ف حبك، سنة ف قربك
ولا أجمل ولا أغلى ولا أحلى
نسيت نفسي ف دنيا كلها أماني
رجعلي عمري المنسي، وليل الحب صحّاني
دا ليل الحب صحّاني صحّاني
وحنين الشوق ف حبك مدوبني، مسهرني
مخليني أدوب واعشق، و أعيش واعشق
ولا قبله ولا بعده، موريني الحياة جنّة
دا الحب اللي جوايا، ودنيا جديدة وحكاية
مجرد اني صادفتك، ومن ساعة مانا شوفتك
دا من ساعة مانا عرفتك
كلمات: تركي آل الشيخ
ألحان: عمرو دياب
توزيع موسيقي: أسامة الهندي
———— كلمات اغنية حبايب ايه ————
بنلقى راحتنا ويّا الغُرب، ومش ويّا حبايبنا
مريّحناش يا قلبي القرب، بنرتاح واحنا ف بعادنا
حبايب ايه؟ حبايب مين!
عشان الشكل مضطرين، نكمّل والحياة تمشي
لكن مع بعض مش فارقين
بنمشي الإيد ف حضن الإيد ونتبسّم قصاد الناس
عشان منهزّش الصورة، عشان يتصدّق الاحساس
حبايب ايه؟ حبايب مين!
عشان الشكل مضطرين، نكمّل والحياة تمشي
لكن مع بعض مش فارقين
قالولنا ياقلبي مليون حلّ، لكن لسه على حالنا
وحبنا كل يوم بيقلّ، ومش بتقلّ أعذارنا
وايه ف الدنيا يجبرنا على حاجة محبّينهاش
لو الغلطة اننا اختارنا، دي غلطة أكيد منقصدهاش
كلمات: تامر حسين
ألحان: مدين
توزيع موسيقي: أسامة الهندي
———— كلمات اغنية جنب حبيبي ————
طول مانت معايا وف حياتي يا حبيبي
بنسى روحي، بلقى نفسي امتلكت الدنيا ديّا
وبعيش ف حكاية بتبتدي بكلمة حبيبي، يا حبيبي
والقى عمري من حلاوته بيجري بيّا
وانا جنب حبيبي، حبيبي، حبيبي
اللي انا بتمناه ف عمري لقيته معاه
وانا جنب حبيبي، حبيبي، حبيبي
طاير م الفرحة وكلامي بيبقى غنا
فرحتي بحكيها، عيني بتقولك عليها يا حبيبي
انت عارف انت ايه بالنسبة ليّا
الحب نادالي، والسعادة اللي ف خيالي يا حبيبي
يوم لقانا شفتها بتنده عليّا
وانا جنب حبيبي، حبيبي، حبيبي
اللي انا بتمناه ف عمري لقيته معاه
وانا جنب حبيبي، حبيبي، حبيبي
طاير م الفرحة وكلامي بيبقى غنا
كلمات: أسامة مصطفى
ألحان: سامر أبو طالب
توزيع موسيقي: أسامة الهندي
———— كلمات اغنية قمر ايه ————
سلامك كله حنيّة، كإنك وردة ف ايديا
كلامك حلو، حتى ف ضحكتك احساس
برائتك لسه طبيعية
قمر ايه فوق مانا اتصوّر
عليكي قلبي ياما دوّر
عينيكي عاملة زي الشمس
تغمّض دنيتي تليّل، تفتّح دنيتي تنوّر
هدية من السما جايّة، تحلي دنيتي عليّا
شهادة حق: كل ما بعرفك أكتر
تزيدي حلاوة ف عينيا
قمر ايه فوق مانا اتصوّر
عليكي قلبي ياما دوّر
عينيكي عاملة زي الشمس
تغمّض دنيتي تليّل، تفتّح دنيتي تنوّر
كلمات: أسامة مصطفى
ألحان: سامر أبو طالب
توزيع موسيقي: أسامة الهندي
———— كلمات اغنية اه حبيبي ————
ولا يملا عنيا الا حبيبي
ولا عايز اعيش غير وانا وياه
الدنيا بتحلى امّا يجيني
وبحس براحة قلبي معاه
حبيبي، آه حبيبي، كمان حبيبي
حبيبي واقولها تاني أحلى الأسامي
لما اسمع اسمه بقول: الله!
سألوني عليك قلت حبيبي
وانا يعني هداري واخاف من ايه
وحياتك عندي لقيت عيني
قالت على كل اللي مخبيه
حبيبي، آه حبيبي، كمان حبيبي
حبيبي واقولها تاني أحلى الأسامي
لما اسمع اسمه بقول: الله!
كلمات: هاني رجب
ألحان: مديح محسن
توزيع موسيقي: أسامة الهندي
