كلمات اغنية فهمان دنيا مروان موسي بالكلمات
مش عارف ليه الليالي دي بالذات؟
بفتكر ماضي عليه 100 علامة استفهام
غش، غل، كذب، كراهية، كل شئ متاح
في دنيا فيها الصادق قيمته أقل من الكذاب
مالقيش فايدة أرمي ودني لكلام الناس
شافوني غلط برضو انا كملت وب إعجاز
يمين شمال طريقي منين تايه كنت محتاس
قررت امشيها صح الصح الصح وعكس عكاس
“حاول تفتكر”
الصورة مقسومة نصين بالظبط
ف حاولت أوزنها مشيت ع الخط، خلاص فرهدت
جوابي اتبعت، سؤالي اتسأل، ماشوفتش رد
لحظة عليها أسمنت اتصب انا فهمان دنيا ازاي اتخض؟
رؤيتي للورقة غير التقليدي دا رأي الزملا
سيبت النَص بنيت شخصيتي
ماسيبتش مصر انا لسه ف بيتي
ماعيشتش fake وماعيشتش زيف
انا من الأرياف انا راجل البيت
و العيش والملح يا اخويا ما نسيت
موجة الدَبرسة… جاتلي
زي ف أيام المدرسة
حضني إتعزل، قلبي إتوفى ماروحتش عزا
صباح ومسا، تركت الحب وأخدت الأذى
كله اتحذف، بوظت علاقتي ب كل الناس مع كل الاسَف
ف سألت إزاي؟ كأني نسّاي
لو هشكي الحال هبدأ بودكاست وهكون رغاي
و هودّي حزايني وأخليك تبكي انا زي الناي
لسه ماحسِنتش حالي
بيقول لك: قوم يا موس فيه موسم جاي
موسم ايه؟ بقالي شهور محجوز في البيت
مخنوق من الحيط وحال الدماغ مربوط من خيط
وشي الفرفوش بقى غير مألوف وبيقول ملّيت
مسحول ف الصورة الصورة الصورة دي طول الليل
الصورة مقسومة نصين بالظبط
ف حاولت أوزنها مشيت ع الخط، خلاص فرهدت
جوابي اتبعت، سؤالي اتسأل، ماشوفتش رد
لحظة عليها أسمنت اتصب انا فهمان دنيا ازاي اتخض؟
رؤيتي للورقة غير التقليدي دا رأي الزملا
سيبت النَص بنيت شخصيتي
ماسيبتش مصر انا لسه ف بيتي
ماعيشتش fake وماعيشتش زيف
انا من الأرياف انا راجل البيت
و العيش والملح يا ابويا ما نسيت
ليه مفيش منك؟ مش لاقي
في الواقع الاستبدادي
إزاي تاه مني النُص التاني.. نصي الألماني؟
اتقطعت صِلتي
القافلة تسير
هل فعلاً دي قافلتي؟
انا شكلي محتاج therapy
بسأل نفسي سؤال وبرد كإني اتنين
بعدين نتشاكل وبنتشاكل.. طب بعدين
حاولت أحِل بين الطرفين
هو انا بتألم ولا بتجنِن
في دماغي صوت صرخة قاعدة بتدندِن
حللت الماضي قولت: ايه اللي جرالي؟
ليه بقيت زومبي برؤية رمادي؟ واخد الدنيا ب راسي
أي إحساس يظهر أقوم طافي، طب مالك المرة دي؟
وغلاوتك عندي انا من بعدك ما عرفت امشيها طوالي
و صورتنا لسه ف بالي حضناني
الصورة مقسومة نصين بالظبط
ف حاولت أوزنها مشيت ع الخط، خلاص فرهدت
جوابي اتبعت، سؤالي اتسأل، ماشوفتش رد
لحظة عليها أسمنت اتصب انا فهمان دنيا ازاي اتخض؟
رؤيتي للورقة غير التقليدي دا رأي الزملا
سيبت النَص بنيت شخصيتي
ماسيبتش مصر انا لسه ف بيتي
ماعيشتش fake وماعيشتش زيف
انا من الأرياف انا راجل البيت
و العيش والملح يا ابويا ما نسيت
مش عارف ليه الليالي دي بالذات؟
بفتكر ماضي عليه 100 علامة استفهام
غش، غل، كذب، كراهية، كل شئ متاح
في دنيا فيها الصادق قيمته أقل من الكذاب
مالقيش فايدة أرمي ودني لكلام الناس
شافوني غلط برضو انا كملت وب إعجاز
يمين شمال طريقي منين تايه كنت محتاس
قررت امشيها صح الصح الصح وعكس عكاس
