شافوني من بره
قالو هالله هالله
وانا من جوايا
يعلم بيا الله
ضحكتي الكدابه
حاسدني عليها
قالو والعه يابا
مشافوش اللي فيها
يا عيون خفي علينا
اللي فينا مكفينا
ده احنا بقينا في النازل
ليه شاغلين بالكم بينا
حقد وصفار وغيرة
وحاجات وحشة كتيرة
شفت منكم مهازل
ناس في التمثيل خبيرة
لا ويمثلو بيحبوني وانا اصدقهم
واعمل العجب ليهم ولا يعجبهم
واما ياخدو الحلو كله يقلبو عليا
ويقولو ان العيب فيا لا واني ظالمهم
دنيتي المؤذية
لمت ناس حواليا
خلوني بقيت ندمان
علي المعرفة ديا
اللي بقول دول مني
اكتر ناس جارحني
انا من اكتر الاحزان
في اكتئاب هيجنني
لا ويمثلو بيحبوني وانا اصدقهم
واعمل العجب ليهم ولا يعجبهم
واما ياخدو الحلو كله يقلبو عليا
ويقولو ان العيب فيا لا واني ظالمهم
