كلمات اغنية حبيبت ابوها محمد سلطان 2021
[ads1]
يحميكي يابنتي وم العين محروسه
والله وكبرتي وبقيتي عروسه
يا كريز متنقي ياحتة بسبوسه
يا بنوتة قلبي يا أجمل ننوسه
حبيبة ابوها اهيه ياجدعان
ورده وطرحت في البستان
خمسه عليها وعاللي يشوفها
وميصليش عالنبي غيران
[ads1]
من فرحتي مش لاقي كلام
في جمال كده معقول ياسلام
قمر ١٤ يا ألف ما شاالله
و حلو عليكي اوي الفستان
ياأمورة بابا ياعصفورة بيتنا
يا بحر طيابه مغرق دنيتنا
يا أجمل سنيوره ياقمر حتتنا
من يوم ماأنستي وكملت فرحتنا
عندي اميره في بيتي ياناس
كوكتيل رقه علي احساس
شعرها غزل بنات رباني
وخدها ورد عايز يتباس
بصه ف عينها تحلي الكون
قصاد ضحكتها الدنيا تهون
لاء و عليها دلع ياخرابي
بتنسيني هموم اليوم
ياهناه وياسعده اللي هيبقي حبيبك
وهتبقي عروسته ويجي يطلب ايدك
هطلع عين اهله وعينه عشان اسيبك
سامحيني منا برده تعبت في تربيتك
انا بنتي أميرة الأميرات
وجمالها جمال الملكات
حاجه كده م اللي بتسمعوا عنهم
في الحواديت وفي الحكايات
[ads2]
يارب تعيشي في هنا وامان
واشوفك اسعد واحده كمان
واللي بتحلمي بيه يتحقق
واشوف قلبك دايما فرحان
